Аймгийн иргэдийн Төлөөлөгчдийн Хурлын хуралдаанаар баталсан "Аймгийн Эдийн засаг, нийгмийг 2019 онд хөгжүүлэх үндсэн чиглэл"-д аймгийн иргэдийн Төлөөлөгчдийн Хурлын Тэргүүлэгчдийн ажлын албанд "Чанарын менежментийн тогтолцоо-MNS ISO9001:2016 стандарт"-ыг нэвтрүүлэхээр тусгасан. 

Үүний дагуу аймгийн иргэдийн Төлөөлөгчдийн Хурлын Тэргүүлэгчдийн ажлын албаны ахлах мэргэжилтэн Стандартын мэдээлэл, лавлагаа, сургалтын үндэсний төвийн сургалтын төлөвлөгөөний дагуу зохион байгуулагдсан Чанарын менежментийн тогтолцоо-MNS ISO9001:2016 стандартын үндсэн шаардлага" сэдэвт сургалтад оролцлоо. 

MNS ISO 9001:2016 стандартын ач холбогдол, Чанарын менежментийн тогтолцоог нэвтрүүлснээр гарах үр дүнг тооцох, PDCA мөчлөгийн дагуу үйл явцаар удирдах, эрсдлийн менежментийн тухай үндсэн ойлголт, MNS ISO9001:2016 стандартын үндсэн шаардлагын тайлбар, MNS ISO9001:2016 стандартын гадаад аудит, хөндлөнгийн баталгаажуулалтад шилжих арга зүй гэсэн агуулгаар сургалтыг Стандартын мэдээлэл, лавлагаа, сургалтын үндэсний төвийн ахлах мэргэжилтэн Ц.Эрдэнэбаяр удирдан явууллаа