ШАГНАЛ ГАРДУУЛЛАА

2019-09-13

Чингэлтэй хайрхан уулын Их Тахилга, Иргэдийн баяраа тохиолдуулан, дүүрэг орон нутгийнхаа хөгжилд бодитой хувь нэмэр оруулж, эрхэлсэн ажилдаа амжилт гарган ажиллаж байгаа зарим ажилтан албан хаагч, иргэдийг Чингэлтэй дүүргийн Иргэдийн Төлөөлөгчдийн Хурал, Засаг даргын шагналаар шагнаж урамшууллаа.
Дүүргийн Иргэдийн Төлөөлөгчдийн Хурлын дарга Д.Бат-Эрдэнэ шагналын арга хэмжээг нээж, ажил үйлсээрээ манлайлж ажиллаж байгаа албан хаагч, иргэддээ эрхэм хүндтэй шагналаар шагнуулж байгаад нь баяр хүргээд цаашдын ажил үйлсэд нь амжилт хүслээ.
Чингэлтэй дүүргийн Иргэдийн Төлөөлөгчдийн Хурлын дээд шагнал “Чандмань” одонгоор 18 , “Хүндэт өргөмжлөл”-өөр 23, Засаг даргын “Хүндэт тэмдэг”-ээр, “Хөдөлмөрийн алдар” медалиар 7 иргэн тус тус шагнагдсан байна.