"Сум сурталчлах соёлын өдөр"-ийг Баянхонгор аймаг зохион байгуулж байна. Энэхүү үйл ажиллагааны ээлж 2017 оны 12 дугаар сарын 03-ны билэгт сайн өдөр Шинийн 15-нд тохиож "Өлзийт сум сурталчлах соёлын өдөр" болж байна.
"Сум сурталчлах соёлын өдөр"-ийн нээлт баганат талбайд эхэлж аймгийн Иргэдийн төлөөлөгчдийн хурлын дарга Ц.Отгонбаяр уг үйл ажиллагаанд оролцлоо.
Нээлтийн үйл ажиллагааны дараа аймгийн Хөгжимт драмын театрт Шашин, урлагийн цэнгүүн, Өлзийт сум, Ламын гэгээний түүх соёлын үзэсгэлэн, "Өлзийтөд үйлдвэрлэв" үзэсгэлэн худалдаа, аймгийн начин Б.Ишжанцангийн нэрэмжит үндэсний бөхийн барилдаанаар үргэлжилж байна.
"Сум сурталчлах соёлын өдөр" нь сумын түүх, өв соёл, хүн зоныхоо амжилт бүтээлийг сурталчлах ач холбогдолтой юм.
Ц.Мөнхзул /2017.12.03/
